【一分鐘化學：用番梘都可以「做瓜」病毒？】

【抗疫分享‼️】手工肥皂的妙計

謝謝 K Kwong 的分享🙇‍♀️🙇‍♂️❤️
使用手工肥皂不單能保護我們的地球、保護我們的天然環境，而其實簡單的成分，也已經起到清潔的作用，讓細菌離開我們的皮膚：

//010418【一分鐘化學：用番梘都可以「做瓜」病毒？】

1. 番梘、洗衣粉、洗頭水、沐浴露、梘液、洗潔精、部份潔手液「hand sanitizer」有效成份都係【表面活性劑 surfactant】。

2. 【表面活性劑】係具有親水性 (水溶性) 【頭】同疏水性(油溶性)【尾】嘅化合物，好似「蝌蚪」咁樣：個「頭」溶係水，條「尾」溶係油。(圖A)

3. 大部份表面活性劑個「頭」都係帶「負」，而潔手液成份個頭係「正」，而奶類製品嘅「卵磷脂」個「頭」係「中性」。(圖B)

4. 【「蝌蚪」洗走D油污！】我地D衫上面D污漬(汗油漬) 就係【油性】。洗衫果陣，D 表面活性劑 (洗衣粉) 「蝌蚪」條「尾」溶入油漬，個「頭」溶係水。一搞郁D水，就可以帶離D油形成細細粒油脂微粒。而由於油脂微粒個帶「負」，果D油污由於「負負相斥」唔會黐返埋，咁就俾水帶走！(圖C)

5. 【「蝌蚪」做「瓜」病毒！】其實病毒係冇生命，所以唔會死，但我地可以將佢嘅脆弱嘅遺傳物質 DNA/RNA 係未入人體前整爛佢，我地就唔會奶嘢啦！原來部分病毒 (例如 HIV， 及好多來自動物嘅病毒) 有一層由脂肪構成保護住病毒體嘅【病毒包膜】。裏面嘅遺傳物質 DNA/RNA 如果安全入咗人體先放出嚟，咁你就奶嘢啦！用番梘洗手或酒精都可以「溶」咗果層油性嘅【病毒包膜】喎！【一定要番梘捽手30秒先可以有效除病毒！】(圖D)

6. 【番梘好D！】不過我寧願用番梘而唔用酒精，因為酒精會洗埋我皮膚面頭D油，我會有主婦手！男人老狗有主婦手好 odd 呢！而果D好貴嘅所謂「殺病毒」潔手液，會唔會「平、靚、正」過番梘呢？我就唔信囉！
//
--------------------------------------------
資料來源：
Facebook 專頁：K Kwong @DrKKwongChem
--------------------------------------------
立即Follow MilieuCare | 留意最新動向資訊
IG: instagram.com/milieucare
FB: fb.com/milieuCare
Online Shop: www.milieucare.com